beat sterchi
rousselnudereadigngirl.gif

Wie me list

Wüsst dir de, wie dass me list, wie me zum Bischpiu Büecher list, wüsst dir de, wie dass me Büecher richtig list, wie dass me sech dry gyt i die Gschicht, wo me i de Büecher list, wo so viu vrspricht, dass me grad vrgisst, dass me ja nume Syte für Syte Buchschtabe list, dass me sech eifach nume ine frisst, ine frisst i die Gschicht vo däm Ma oder vo dere Frou wo imene Sässu sitzt u sech vrgisst u eifach list u list u drby weder ds Ässe no ds Trinke vrmisst, wo eifach Syte um Syte, Satz um Satz, die Buechschtabe vo A bis Z i sech ine frisst u drby vrgisst, dass si ja nume i mene Sässu sitzt u sech ine list u ine frisst i die Gschicht, vo däm Ma u dere Frou, wo eifach list u list u drbi vrgisst, dass sy ja nume list aber dass sy list u list u itz villech Zyt, aber das Buech mit dere Gschicht wo si list u list während si imene Sässu sitzt ganz sicher nie, nie me vrgisst?

< bersicht